«Манчестер Юнайтед» афсонаси Уэйн Руни Маркус Рэшфордни ўз муносабати ва майдондаги меҳнаткашлигини ўзгартиришга чақирди.

Рэшфорд «Барселона»даги ижарадан сўнг Манчестерга қайтди. Каталония клуби уни тўлиқ сотиб олиш имкониятидан фойдаланмади.

Рунининг фикрича, Рэшфордда иқтидор етарли, аммо у яна мухлислар ишончини қозониши керак.

«У бошини эгиб, қаттиқ ишлаши ва яна позитив ўйнаши керак. Мен уни бошқа клубда эмас, айнан «Манчестер Юнайтед»да гол ураётганини кўришни хоҳлайман», — деди Руни.

Шунингдек, у «Юнайтед» трансфер ойнаси ёпилгунига қадар яна тўртта футболчи сотиб олиши кераклигини таъкидлади.