«Manchester Yunayted» afsonasi Ueyn Runi Markus Reshfordni o‘z munosabati va maydondagi mehnatkashligini o‘zgartirishga chaqirdi.

Reshford «Barselona»dagi ijaradan so‘ng Manchesterga qaytdi. Kataloniya klubi uni to‘liq sotib olish imkoniyatidan foydalanmadi.

Runining fikricha, Reshfordda iqtidor yetarli, ammo u yana muxlislar ishonchini qozonishi kerak.

«U boshini egib, qattiq ishlashi va yana pozitiv o‘ynashi kerak. Men uni boshqa klubda emas, aynan «Manchester Yunayted»da gol urayotganini ko‘rishni xohlayman», — dedi Runi.

Shuningdek, u «Yunayted» transfer oynasi yopilguniga qadar yana to‘rtta futbolchi sotib olishi kerakligini ta’kidladi.