Бугун, 19 август куни Ўзбекистон Суперлигасининг 18-туридан ўрин олган «Машъал» — «Андижон» учрашуви бўлиб ўтади.
Баҳс соат 20:00 да Ғузор марказий стадионида бошланади ва Futbol TV телеканали орқали жонли эфирда намойиш этилади.
Жамоалар шу кунга қадар ўзаро 37 марта тўқнаш келган. Бу учрашувларда «Машъал» 19 марта ғалаба қозонган бўлса, «Андижон» 13 та баҳсда устун келган. Яна 5 та ўйин дуранг билан якунланган.
Тўплар нисбати ҳам ғузорликлар фойдасига — 51:41.
«Машъал»нинг «Андижон» устидан қайд этган энг йирик ғалабаси 6:1 ҳисобида бўлган. Андижонликларнинг энг йирик ғалабаси эса 4:0 ҳисобини ташкил этади.
