Франция чемпионати 1-туридан ўрин олган "ПСЖ" ва "Ренн" ўртасидаги учрашув режалаштирилганидек 23 август куни ўтказилмаслиги мумкин.
RMC Sport хабарига кўра, ҳаво ҳароратининг юқори бўлиши сабаб "Парк де Пренс" стадиони майдонининг ҳолати ёмонлашган.
Манба маълумотига қараганда, Профессионал футбол лигаси майдон ҳолатини баҳоламоқда. "ПСЖ" — "Ренн" учрашувини захира санасига кўчириш эҳтимоли ҳам мавжуд.
Яна бир вариант сифатида биринчи даврадаги ўйинни "Ренн" майдонида ўтказиш кўриб чиқилмоқда. Бироқ бундай ҳолатда ташкилий муаммолар юзага келиши мумкин, чунки учрашувга кўп вақт қолмаган.
