Испаниянинг «Барселона» клуби мавсумолди йиғинлари доирасида ўтказиладиган Жоан Гампер кубоги учун баҳсда Мисрнинг «Ал-Аҳли» жамоасини мағлуб этди.
Учрашув 19 август куни Барселонадаги «Спотифай Камп Ноу» стадионида бўлиб ўтди ва мезбонларнинг 2:1 ҳисобидаги ғалабаси билан якунланди. Бу баҳс «Барселона» учун 2026/27 йилги мавсум олдидан сўнгги назорат учрашуви бўлди. Каталония клуби Гампер кубогини 61-марта ўтказилган баҳсда қўлга киритди.
Учрашувда ҳисоб 29-дақиқада очилди. «Барселона»нинг мисрлик ҳужумчиси Ҳамза Абдулкарим собиқ жамоаси дарвозасини ишғол қилди.
Биринчи бўлим якунида Рафинья пенальтини аниқ амалга ошириб, каталонияликларнинг устунлигини 2:0 га етказди.
«Ал-Аҳли» иккинчи бўлим бошида фарқни қисқартирди. 51-дақиқада Зизо ўз номига гол ёздириб, ҳисобни 2:1 кўринишига келтирди. Қолган вақтда бошқа гол урилмади.
Шу тариқа, «Барселона» Жоан Гампер кубогида навбатдаги совринни қўлга киритди. Мазкур турнир каталонияликлар томонидан ҳар йили ташкил этилади ва илк бор 1966 йилда ўтказилган. Мусобақа номи «Барселона» асосчиси ва собиқ президенти Жоан Гампер шарафига қўйилган.
Қайд этиш жоиз, бу йилги Гампер кубоги «Барселона»нинг «Спотифай Камп Ноу» қайта очилганидан кейин мазкур стадионда ўтказилган илк учрашуви бўлди.
Жоан Гампер кубоги. Финал
«Барселона» — «Ал-Аҳли» 2:1
19 август 2026 йил. «Спотифай Камп Ноу», Барселона
Голлар: 29' — Ҳамза Абдулкарим (1:0), 45' — Рафинья, пенальтидан (2:0), 51' — Зизо (2:1)
«Барселона»: Жоан Гарсия — Жерар Мартин, Жюль Кунде, Эрик Гарсия, Алехандро Бальде — Марк Берналь, Хави Эспарт, Фермин Лопес — Ламин Ямал, Ҳамза Абдулкарим, Рафинья.
Захирадан майдонга тушганлар: Дани Олмо, Ориан Горен, Брайан Фариньяс, Жорди Пескер, Энтони Гордон, Алваро Кортес, Андреас Кристенсен, Гави, Карим Адейеми, Педри, Войцех Шченсни, Жесси Бисиву.
