МЛСнинг навбатдаги турида «Филадельфия Юнион» ўз майдонида «Интер Майами»ни қабул қилди. Честер шаҳридаги «Субару Парк» стадионида ўтган учрашув 2:2 ҳисобидаги дуранг билан якунланди.
Мезбонлар 11-дақиқада Индиана Вассилевнинг голи эвазига ҳисобни очди. Орадан 10 дақиқа ўтиб, «Интер Майами» Даниэль Пинтернинг голи билан мувозанатни тиклади.
26-дақиқада Лионель Месси меҳмонларни олдинга олиб чиқди. Аргентиналик ҳужумчи учун бу 2026 йилги Жаҳон чемпионатидан кейин «Интер Майами» сафидаги илк гол бўлди. Шунингдек, Месси отаси Хорхе вафотидан кейин жамоаси учун биринчи марта гол урди. Луис Суарес эса голли узатма муаллифи бўлди.
«Филадельфия Юнион» иккинчи бўлимда ҳисобни яна тенглаштирди. 58-дақиқада Нил Пьер жамоасига 2:2 ҳисобини қайтарди.
Учрашув охирида ҳар икки жамоа бир нафардан футболчисини майдондан четлатди. «Интер Майами»да Брайт 90+12-дақиқада, «Филадельфия»да эса Салливан 90+14-дақиқада қизил карточка олди.
Шу тариқа, «Филадельфия Юнион»нинг кетма-кет тўртта ғалабадан иборат серияси узилди. «Интер Майами» эса МЛСда ғалаба қозона олмаётган ўйинлар сериясини учтага етказди. Жамоа бундан олдин «Коламбус Крю» билан дуранг ўйнаган ва «Нэшвилл»га мағлуб бўлган.
Кейинги турда «Интер Майами» 23 август куни «Торонто» меҳмони бўлади. Шу куни «Филадельфия Юнион» ўз майдонида «Остин»ни қабул қилади.
«Филадельфия Юнион» — «Интер Майами» 2:2
АҚШ — МЛС
20 август 2026 йил. Честер, «Субару Парк» стадиони
Голлар: 11' — Индиана Вассилев (1:0), 21' — Даниэль Пинтер (1:1), 26' — Лионель Месси (1:2), 58' — Нил Пьер (2:2)
Қизил карточкалар: 90+12' — Брайт («Интер Майами»), 90+14' — Салливан («Филадельфия Юнион»)
