“Оқ-тепа”нинг тажрибали ҳимоячиси Андрей Шашков Россия пойтахти Москва томон йўл олди.

Таниқли ҳакам Валентин Шашковнинг фарзанди бўлган Андрей миллионлар ўйинига илк қадамларини Тошкентдаги футболга ихтисослашган мактабда қўйган. Кейин Республика олимпия захиралари коллежида таҳсил олган. Профессионал фаолиятини “Металлург”да бошлаган. Сўнг “Қизилқум”, 1-лига вакили “Сокол”, “Локомотив” ҳамда “Динамо” клублари сафида ўйнаган ҳимояси сўнгги бир ярим мавсумдан буён “Оқ-тепа” шарафини ҳимоя қилиб келаётган эди. Андрей Москвага оиласи билан бутунлай жўнаб кетди. Кичик Шашков умрининг қолган қисмини Россия пойтахтида ўтказишни режалаштирган.  

МАЪЛУМОТ УЧУН
АНДРЕЙ ШАШКОВ
Туғилган санаси: 18 май 1986 йил
Туғилган жойи: Тошкент
Амплуаси: ҳимоячи
Бўйи: 188см. Вазни: 79кг
Биринчи мураббийи: Валентин Шашков
Ўйнаган жамоалари: “Металлург” (2005-2006 йиллар), “Қизилқум” (2007 йил), “Сокол” (2008 йил), “Локомотив” (2009 йил), “Оқ-тепа” (2010 йил), “Динамо” (2011 йил), “Оқ-тепа” (2012-2013 йиллар).