"Вильярреал"нинг грузиялик ҳужумчиси Жорж Микаутадзе "Барселона" сафига ўтиши мумкин эди. Бу ҳақда инсайдер Экрем Конур хабар берди.
Манба маълумотига кўра, "Барселона" 25 ёшли футболчининг трансфери бўйича "Вильярреал"га мурожаат қилган. Бироқ испан клуби ҳужумчи учун 70 миллион евро талаб қилган. Таъкидланишича, "кўк-анорранглилар" юқори нарх сабаб трансфердан воз кечган.
Ўтган ёзда "Вильярреал" Микаутадзени "Лион"дан 31 миллион еврога сотиб олган эди. Грузиялик ҳужумчи испан клуби сафида барча мусобақалар доирасида 43 та учрашувда майдонга тушиб, 15 та гол урди ва 7 та голли узатмани амалга оширди.
Микаутадзенинг "Вильярреал" билан амалдаги шартномаси 2031 йилга қадар мўлжалланган.
