Венесуэлалик 32 ёшли футболчи Хомеро Кальдерон қарийб олти ойдан буён АҚШ Иммиграция ва божхона назорати хизмати (ICE) ҳибсида сақланмоқда.
Кальдерон февраль ойи охирида Флоридада полиция томонидан тўхтатилган. АҚШ Ички хавфсизлик вазирлиги маълумотига кўра, у амалдаги Флорида ҳайдовчилик гувоҳномасисиз автомобил бошқаргани учун қўлга олинган. Кейинчалик футболчи ICE ихтиёрига топширилган.
Шундан буён Кальдерон махсус миграция марказида сақланмоқда. Унинг рафиқаси Даниэла Молина турмуш ўртоғининг озод қилиниши учун ҳаракат қилмоқда.
Кальдерон фаолияти давомида Венесуэладан ташқари Португалия, Кипр ва Италия клубларида ҳам тўп тепган.
