"Ювентус" ҳимоячиси Федерико Гатти чоршанба куни эҳтиёт чораси сифатида жамоа билан машғулот ўтказмади. 28 ёшли футболчи мухлис билан тўқнашув оқибатида енгил жароҳат олган.
"Ювентус" мавсумолди тайёргарлигини клубнинг ёшлар жамоасига қарши ўйин билан якунлади. Анъанага кўра, бу учрашув тўлиқ 90 дақиқа давом этмайди — мухлислар майдонга тушиши сабаб ўйин олдинроқ тўхтатилади. Одатда учрашув 60–70 дақиқа давом этади, аммо бу сафар мухлислар танаффусдан сўнг майдонга чиқишган.
Ижтимоий тармоқларда тарқалган видеода мухлислардан бири югуриб келаётиб сирпаниб кетган ва беихтиёр Гаттининг оёғига тегиб, уни йиқитиб юборган. Ҳимоячи бошқа томонга қараб тургани учун тўқнашувдан қочишга улгурмаган.
Football Italia маълумотига кўра, Гаттининг жароҳати жиддий эмас ва у мавсум бошига тайёр бўлиши кутилмоқда.
