«Кристал Пэлас» «Осер»нинг 22 ёшли ярим ҳимоячиси Кевен Дануа трансфери бўйича Франция клубига мурожаат қилди. Бу ҳақда инсайдер Фабрицио Романо хабар берди.

Айни пайтда Лондон клуби футболчининг эҳтимолий трансфери юзасидан «Осер» билан музокара олиб бормоқда.

Манба маълумотига кўра, «Кристал Пэлас» Дануа учун 25 миллион фунт ҳамда бонусларни ўз ичига олган келишувни муҳокама қилишга тайёр.

Дануа «Осер» тарбияланувчиси ҳисобланади. Унинг Франция клуби билан амалдаги шартномаси 2029 йилга қадар мўлжалланган. Футболчи Франция ёшлар терма жамоаларида ҳам тўп тепиб келмоқда.

Ўтган мавсумда француз ярим ҳимоячиси барча мусобақалар доирасида 34 та учрашувда майдонга тушиб, 3 та гол урди ва 1 та голли узатмани амалга оширди.