Португалиялик ҳужумчи Гонсалу Рамуш жорий ёзда «Милан»нинг энг шов-шувли трансферларидан бирига айланди. У Франциянинг «ПСЖ» клубини тарк этиб, фаолиятини Италияда давом эттиришга қарор қилди.

Рамуш «Милан»га трансфери қандай амалга ошгани ва клубнинг унга бўлган қизиқишидан қачон хабар топгани ҳақида гапирди.

«Илк алоқалар Жаҳон чемпионати вақтида бўлган. Мен клуб вакиллари билан гаплашдим ва тиббий кўрикдан ўтдим. Эртаси куни эса шартнома имзоладим. Мен тиббий кўрикдан бундан 15 кун олдин ўтганим ҳақидаги гаплар ҳақиқатга тўғри келмайди. Ҳаммаси жуда тез содир бўлди», — деди Рамуш.

Шу тариқа, португалиялик ҳужумчининг «Милан»га ўтиши қисқа вақт ичида ҳал қилинган.