«Милан»нинг янги ҳужумчиси Гонсалу Рамуш болаликдаги кумири ким бўлганини айтди. Португалиялик футболчи швед афсонаси Златан Ибрагимовичнинг ўйинларини кузатиб улғайганини таъкидлади.
«Менинг севимли ҳужумчим Златан Ибрагимович эди. Улғайиш давримда унинг ўйинларини кўп томоша қилганман. Агар фақат бир кишини танлашим керак бўлса, Златанни айтган бўлардим.
Ҳали у билан гаплашиш имконияти бўлмади. Биз ҳозирча шахсан таниш эмасмиз», — деди Рамуш.
Ибрагимович фаолияти давомида икки даврда «Милан» шарафини ҳимоя қилган ва клуб билан икки марта Италия чемпиони бўлган.
«Россонери» янги А Серия мавсумидаги илк учрашувини сафарда «Торино»га қарши ўтказади.
