«Milan»ning yangi hujumchisi Gonsalu Ramush bolalikdagi kumiri kim bo‘lganini aytdi. Portugaliyalik futbolchi shved afsonasi Zlatan Ibragimovichning o‘yinlarini kuzatib ulg‘ayganini ta’kidladi.
«Mening sevimli hujumchim Zlatan Ibragimovich edi. Ulg‘ayish davrimda uning o‘yinlarini ko‘p tomosha qilganman. Agar faqat bir kishini tanlashim kerak bo‘lsa, Zlatanni aytgan bo‘lardim.
Hali u bilan gaplashish imkoniyati bo‘lmadi. Biz hozircha shaxsan tanish emasmiz», — dedi Ramush.
Ibragimovich faoliyati davomida ikki davrda «Milan» sharafini himoya qilgan va klub bilan ikki marta Italiya chempioni bo‘lgan.
«Rossoneri» yangi A Seriya mavsumidagi ilk uchrashuvini safarda «Torino»ga qarshi o‘tkazadi.
