Франк Кессье фаолиятини яна Италия А Сериясида давом эттириши мумкин. 29 ёшли ярим ҳимоячи «Ювентус»га ўтиш вариантини устувор деб ҳисобламоқда. Бу ҳақда инсайдер Жанлука Ди Марцио хабар берди.
Манба маълумотига кўра, Кот-д’Ивуарлик футболчи «кекса синьора»дан аниқ таклиф кутмоқда. Бироқ «Ювентус» Кессьени ўз сафига қўшиб олишдан олдин бир нечта футболчи билан хайрлашиши керак.
Туринликлар Артур Мело ва яна бир ярим ҳимоячини жамоадан жўнатиши кутилмоқда. Шундан сўнг клуб Кессье билан шартнома имзолаш бўйича амалий ҳаракатларга ўтиши мумкин.
Франк Кессье жорий йил ёзида «Ал-Аҳли»ни тарк этиб, уч йиллик Саудия Арабистонидаги фаолиятидан сўнг эркин агентга айланди.
Кессье аввалроқ «Барселона» шарафини ҳам ҳимоя қилган. Италияда эса «Аталанта» ва «Милан» сафида тўп тепган.
