«Ал-Ҳилол» ҳужумчиси Карим Бензема жорий мавсумда Саудия Арабистони клубини тарк этмаслигини маълум қилди.
«Мен «Ал-Ҳилол»да қоламан», — дея француз футболчисининг сўзларини инсайдер Фабрицио Романо келтирди. Шу тариқа, Бензема сўнгги кунларда унинг келажаги борасида тарқалган миш-мишларга нуқта қўйди.
Бензема 2026 йил февралида «Ал-Иттиҳод»ни тарк этиб, «Ал-Ҳилол» сафига қўшилган эди.
Француз ҳужумчиси профессионал фаолиятини «Лион»да бошлаган. 2009 йилда у «Реал»га кўчиб ўтиб, Мадрид клубида 14 мавсум ўтказди ва 25 та совринни қўлга киритди. Улар орасида Чемпионлар лигасининг бешта бош соврини ҳам бор.
2022 йилда Бензема «Олтин тўп» соҳиби бўлди. У 2023 йил ёзида «Реал»дан кетиб, Саудия Арабистонининг «Ал-Иттиҳод» клубига ўтганди.
