«Al-Hilol» hujumchisi Karim Benzema joriy mavsumda Saudiya Arabistoni klubini tark etmasligini ma’lum qildi.
«Men «Al-Hilol»da qolaman», — deya fransuz futbolchisining so‘zlarini insayder Fabrisio Romano keltirdi. Shu tariqa, Benzema so‘nggi kunlarda uning kelajagi borasida tarqalgan mish-mishlarga nuqta qo‘ydi.
Benzema 2026 yil fevralida «Al-Ittihod»ni tark etib, «Al-Hilol» safiga qo‘shilgan edi.
Fransuz hujumchisi professional faoliyatini «Lion»da boshlagan. 2009 yilda u «Real»ga ko‘chib o‘tib, Madrid klubida 14 mavsum o‘tkazdi va 25 ta sovrinni qo‘lga kiritdi. Ular orasida Chempionlar ligasining beshta bosh sovrini ham bor.
2022 yilda Benzema «Oltin to‘p» sohibi bo‘ldi. U 2023 yil yozida «Real»dan ketib, Saudiya Arabistonining «Al-Ittihod» klubiga o‘tgandi.
