«Лидс Юнайтед» бош мураббийи Даниэль Фарке АПЛнинг 1-туридан ўрин олган «Ноттингем Форест»га қарши ўйин олдидан жамоанинг таркибий ҳолати ҳақида маълумот берди. Унинг сўзларига кўра, жамоа ўйинга деярли оптимал ҳолатда яқинлашмоқда ва фақат икки футболчи жароҳат сабаб майдонга туша олмайди.

«Ньонто Дегнанд санлоқ пай жароҳати сабабли ўйинни ўтказиб юборади. У тез орада машғулотларга қайтишига умид қиламан. Шунингдек, Габриэль Гудмундссон ҳам ҳали майдонга тушишга тайёр эмас. Қолган барча футболчилар ўйинга шай», — дейди Фарке.

Шу билан бирга, «Лидс» шу ҳафтада Менхенгладбахнинг «Боруссия» клубидан швейцариялик ҳимоячи Нико Эльведи билан шартнома имзолади.

«У қайдномага киритилишга ва майдонга тушишга тайёр, жамоага янги энергия олиб кирмоқда. Эльведи ҳам ҳимоя марказида, ҳам қанотларда ўйнай олади. Бу биз учун жуда яхши кучайиш бўлди», — дея қўшимча қилди мураббий.

«Ноттингем Форест» ва «Лидс» ўртасидаги учрашув 22 август куни Тошкент вақти билан соат 19:00 да бошланади.