«Lids Yunayted» bosh murabbiyi Daniel Farke APLning 1-turidan o‘rin olgan «Nottingem Forest»ga qarshi o‘yin oldidan jamoaning tarkibiy holati haqida ma’lumot berdi. Uning so‘zlariga ko‘ra, jamoa o‘yinga deyarli optimal holatda yaqinlashmoqda va faqat ikki futbolchi jarohat sabab maydonga tusha olmaydi.

«Nyonto Degnand sanloq pay jarohati sababli o‘yinni o‘tkazib yuboradi. U tez orada mashg‘ulotlarga qaytishiga umid qilaman. Shuningdek, Gabriel Gudmundsson ham hali maydonga tushishga tayyor emas. Qolgan barcha futbolchilar o‘yinga shay», — deydi Farke.

Shu bilan birga, «Lids» shu haftada Menxengladbaxning «Borussiya» klubidan shveysariyalik himoyachi Niko Elvedi bilan shartnoma imzoladi.

«U qaydnomaga kiritilishga va maydonga tushishga tayyor, jamoaga yangi energiya olib kirmoqda. Elvedi ham himoya markazida, ham qanotlarda o‘ynay oladi. Bu biz uchun juda yaxshi kuchayish bo‘ldi», — deya qo‘shimcha qildi murabbiy.

«Nottingem Forest» va «Lids» o‘rtasidagi uchrashuv 22 avgust kuni Toshkent vaqti bilan soat 19:00 da boshlanadi.