«Ливерпуль» сардори Виржил ван Дейк жамоанинг янги мавсум олдидаги кайфияти ҳақида гапирди. Нидерландиялик ҳимоячи ўтган мавсум натижаларидан қониқмаганини ва энди вазиятни ўзгартириш имконияти борлигини таъкидлади.
«Мен учун “Ливерпуль” футболчиси сифатида ўтган йил қабул қилиб бўлмас даражада ўтди. Аммо энди бу ортда қолди. Бу йил ҳаммасини ўзгартириш имкониятига эгамиз.
Албатта, бу қанчалик қийин бўлишини биламиз. Аммо агар бундай синовга тайёр бўлмасангиз, демак, сиз тўғри жойда эмассиз. Ҳозир мен жамоадаги барча янги синовларга тайёр эканини ҳис қиляпман.
Биз ҳеч кимга ҳеч нарсани исботлашимиз шарт эмас. Фақат клубга қанчалик бефарқ эмаслигимизни, бу эмблема учун қанчалик курашишни хоҳлашимизни кўрсатишимиз ва “Ливерпуль” сафида ўйнаш қандай катта шараф эканини ҳис қилишимиз керак», — деди Ван Дейк.
«Ливерпуль» 2026/27 йилги Англия Премьер-лигасидаги иштирокини 23 август куни сафарда «Ньюкасл»га қарши ўйин билан бошлайди.
