«Кристал Пэлас» клуби ярим ҳимоячи Адам Уортонни фақатгина 100 миллион фунт стерлингдан ошадиган сумма эвазига қўйиб юборишга тайёр. Лондонликлар «Манчестер Сити» раҳбариятига 22 ёшли англиялик футболчини арзонга сотмасликликларини очиқ-ошкора маълум қилишди.
«Манчестер Сити» Уортонни жароҳат олган ёки кетадиган Родрининг ўрнини босадиган муносиб номзод сифатида кўрмоқда. Бироқ «Кристал Пэлас» Марк Гуэхи, Эберечи Эзе ва Максенс Лакруа каби етакчилар жамоани тарк этганидан сўнг яна бир калит футболчисини йўқотишни истамаяпти.
Клуб вакиллари музокаралар бошланиши учун ҳам жуда катта сумма кераклигини уқтиришди, чунки Уортон жамоанинг жорий мавсумдаги режаларида жуда муҳим ўрин тутади.
