"Манчестер Юнайтед"нинг собиқ футболчиси Рой Кин Англия Премьер-лигасининг 2026/27 йилги мавсумида ким энг яхши футболчи бўлиши ҳақида ўз тахминини билдирди.
Ирландиялик мутахассиснинг фикрича, ушбу совринни яна "Манчестер Юнайтед" етакчиси Бруну Фернандеш қўлга киритади. Португалиялик ярим ҳимоячи ўтган мавсумда ҳам Премьер-лиганинг энг яхши футболчиси деб топилган эди.
"Бруну — ажойиб футболчи. Менимча, агар "Манчестер Юнайтед" ҳимояда ишончли ўйнаса, Фернандеш ҳужумда ҳақиқий мўъжиза ярата олади", — деди Кин The Overlap подкастида.
2026/27 йилги Англия Премьер-лигаси мавсуми 21 август куни амалдаги чемпион "Арсенал" ва элитага янги чиққан "Ковентри" ўртасидаги учрашув билан старт олади. "Манчестер Юнайтед" эса илк турда "Ҳалл Сити"га қарши майдонга тушади.
