Мадриднинг "Реал" клубидан "Фиорентина"га ижара асосида ўтган Франко Мастантуоно ўтган мавсумдаги қийинчиликлар ҳақида фикр билдирди. Аргентиналик футболчи 2026/27 йилги мавсумни Италия клубида ижара асосида ўтказади.
Европадаги илк мавсуми давомида Мастантуоно "Реал"нинг асосий таркибидаги ўрнини йўқотди. Кўпроқ ўйин амалиётига эга бўлишни истаган футболчи ёзда "Фиорентина" таклифини қабул қилди.
"Ўтган мавсум "Реал"да мураккаб кечди — барча учун осон бўлмади. Аммо бундай вазиятлар инсонга ўрганиш ва ривожланишга ёрдам беради. "Фиорентина"да қандай футболчи эканимни кўрсатиш имкониятига эга бўламан", — деди яқинда 19 ёшни қарши олган Мастантуоно.
Эслатиб ўтамиз, "Реал" аргентиналик истеъдодни 2025 йил ёзида "Ривер Плейт"дан трансфер қилган эди. Футболчи Мадрид клуби билан олти йиллик шартнома имзолаган.
