"Манчестер Сити" "Палмейрас"нинг 22 ёшли футболчиси Аллан Элиас трансфери бўйича Бразилия клуби билан алоқага чиқди.
Инсайдер Фабрицио Романо маълумотига кўра, Аллан "Тоттенхэм"га ўтишга яқин турган Савиньонинг ўрнини эгаллаш учун "шаҳарликлар"нинг асосий номзодларидан бири ҳисобланмоқда. Савиньонинг трансфери бўйича "Тоттенхэм" ва "Манчестер Сити" ўртасида келишувга эришилгани ҳақида ҳам хабарлар бор.
Томонлар эҳтимолий трансфер нархи юзасидан дастлабки музокараларни бошлаган. "Манчестер Сити" Алланнинг Англия клубига ўтиш истаги музокараларнинг ижобий якунланишига ёрдам беришига умид қилмоқда. Айни пайтда "Палмейрас" футболчини осонликча қўйиб юбормоқчи эмас ва ҳозирча расмий таклиф келиб тушмагани айтилмоқда.
"Палмейрас" тарбияланувчиси жорий мавсумда 41 та учрашувда майдонга тушиб, 6 та гол урди ва 5 та голли узатмани амалга оширди.
