Мадриднинг «Атлетико» клуби ишқибозлари «Барселона»га ўтиш истагини билдирган ҳужумчи Хулиан Альваресга қарши норозилик акцияси уюштиришди. мухлислар клуб раҳбариятини аргентиналик футболчидан тезроқ қутулишга чақиришмоқда.

Жума куни эрталаб мадридликларнинг машғулот базаси яқинида Альварес тўп сурадиган 19-рақам устидан чизилган плакат пайдо бўлди. Бошқа бир лавҳага эса: «Хулиан, йўқол!» деб ёзиб қўйилган.

Олдинроқ «Атлетико» мухлислари Ла Лиганинг 1-туридан ўрин олган «Малага»га қарши ўйинда (2:0) ҳам Альварес шаънига ҳақоратли ҳайқириқлар айтишган эди. Аргентиналик футболчи ушбу баҳс қайдномасига киритилмаган эди.