Португалиянинг «Порту» клуби «Милан»нинг мексикалик ҳужумчиси Сантьяго Хименесни ўз сафига қўшиб олиш умидини узмаяпти ва бугун янги музокаралар раундини ўтказишни режалаштирган.

Футболчининг ўзи ҳам иложи борича тезроқ клубни тарк этишни талаб қилмоқда. Олдинроқ «Порту» ҳужумчини мажбурий сотиб олиш ҳуқуқи билан ижарага олиш бўйича музокаралар олиб борган эди, бироқ томонлар шартнома шартлари бўйича бир тўхтамга кела олишмаган.

25 ёшли Хименес 2025 йилнинг қишида «Фейеноорд»дан «Милан»га кўчиб ўтган эди. Ўтган мавсумда у барча турнирларда 18 та ўйинда майдонга тушиб, 1 та гол урган ва 3 та голли узатмага муаллифлик қилган. Шунингдек, у Мексика терма жамоаси сафида 2026 йилги ЖЧда 4 та учрашувда иштирок этди.

Португалия чемпионатини иккита ғалаба билан бошлаган Франческо Фариоли бошчилигидаги «Порту» кейинги турни 23 август куни «Ароука»га қарши ўтказади.