Portugaliyaning «Portu» klubi «Milan»ning meksikalik hujumchisi Santyago Ximenesni o‘z safiga qo‘shib olish umidini uzmayapti va bugun yangi muzokaralar raundini o‘tkazishni rejalashtirgan.

Futbolchining o‘zi ham iloji boricha tezroq klubni tark etishni talab qilmoqda. Oldinroq «Portu» hujumchini majburiy sotib olish huquqi bilan ijaraga olish bo‘yicha muzokaralar olib borgan edi, biroq tomonlar shartnoma shartlari bo‘yicha bir to‘xtamga kela olishmagan.

25 yoshli Ximenes 2025 yilning qishida «Feyenoord»dan «Milan»ga ko‘chib o‘tgan edi. O‘tgan mavsumda u barcha turnirlarda 18 ta o‘yinda maydonga tushib, 1 ta gol urgan va 3 ta golli uzatmaga mualliflik qilgan. Shuningdek, u Meksika terma jamoasi safida 2026 yilgi JCHda 4 ta uchrashuvda ishtirok etdi.

Portugaliya chempionatini ikkita g‘alaba bilan boshlagan Franchesko Farioli boshchiligidagi «Portu» keyingi turni 23 avgust kuni «Arouka»ga qarshi o‘tkazadi.