Англиянинг «Ньюкасл» клуби тахминан 220 миллион евро қийматига эга янги замонавий машғулот базасини қуриш учун 105 гектар майдонни эгаллаган Вулсингтон-Холл мулкини сотиб олиш бўйича келишувга эришди.
Клуб раҳбарияти ушбу обектдан эркаклар асосий жамоаси ҳамда академиклар учун фойдаланишни мақсад қилган. Қурилишга тегишли рухсатномалар олингач, жамоа 2029/30 йилги мавсумгача янги базага кўчиб ўтишни режалаштирмоқда. Расмий ариза келаси йилнинг бошида Ньюкасл шаҳар кенгашига топширилади.
Лойиҳа тарихий Вулсингтон-Холл мулкининг архитектура ва паркли ҳудудларини сақлаб қолган ҳолда уларни қайта тиклаш ва яхшилашни назарда тутади. Келажакда ушбу базада аёллар жамоаси учун ҳам объектлар қўшилиши ва у «Ньюкасл»нинг асосий футбол марказига айланиши кутилмоқда.
