«Манчестер Сити» бош мураббийи Энцо Мареска жамоани ўз қарашлари асосида шакллантириш учун унга қанча вақт керак бўлиши ҳақидаги саволга жавоб берди.

«Албатта, ҳозир бизда ўзгаришлар бўляпти — жамоа таркибида ҳам, мураббийлар штабида ҳам. Аммо бизнинг клуб рақобатлашишни бошлаш учун кутиб тура олмайди. Биз биринчи кунданоқ рақобатбардош бўлишимиз шарт.

«Арсенал»га қарши Суперкубок баҳсида ғалаба қозонишни истагандик, аммо буни уддалай олмадик. Ўша учрашувни таҳлил қилиб бўлдик ва энди бутун эътиборимизни «Борнмут»га қарши ўйинга қаратдик», — деди Мареска.

Мареска учун «Арсенал»га қарши Суперкубок баҳси «Манчестер Сити» бош мураббийи сифатидаги илк расмий учрашув бўлди. «Шаҳарликлар» мазкур баҳсда 0:3 ҳисобида мағлуб бўлган эди.

«Манчестер Сити» Премьер-лиганинг янги мавсумидаги илк учрашувини 23 август, якшанба куни ўз майдонида «Борнмут»га қарши ўтказади.