Лионель Месси МЛС ўйинида (2:2) "Филаделфия Юнион" ярим ҳимоячиси Квинн Салливан билан тўқнашуви учун жазоланиши мумкин.
Иккинчи бўлимда "Интер Майами" сардори ва Салливан тўпсиз тўқнаш келишди. Ижтимоий тармоқларда тарқалган видеода аргентиналик рақибининг бошининг орқа томонига очиқ кафт билан урганини, шундан сўнг футболчилар юзма-юз келишганини кўриш мумкин.
Ҳакам ўйин давомида Мессини жазоламади, аммо энди бу воқеа МЛС интизом қўмитаси томонидан ретроспектив равишда кўриб чиқилиши мумкин. Қўмита видеони кўриб чиқади ва "Интер Майами" ҳужумчиси жазога лойиқми ёки йўқлигини ҳал қилади.
Агар айбдор деб топилса, Месси жаримага тортилиши ёки бир ўйинга дисквалификация қилиниши мумкин.
