Ўзбекистон Суперлигасининг 18-туридан ўрин олган марказий учрашувда "Навбаҳор" ўз майдонида "Насаф"ни минимал ҳисобда мағлуб этди — 1:0.

Намангандаги "Марказий" стадионида ўтган баҳсда ягона гол биринчи бўлимга қўшиб берилган дақиқаларда қайд этилди. 45+2-дақиқада "Насаф" ҳимоячиси Ғолиб Ғайбуллаев тўпни ўз дарвозасига киритиб юборди ва "Навбаҳор" танаффусга 1:0 ҳисобида устун ҳолда йўл олди.

Иккинчи бўлим бошлангач, мезбонлар учун вазият мураккаблашди. 53-дақиқада Саидазамат Мирсаидов майдондан четлатилди ва "Навбаҳор" учрашувнинг қолган қисмини 10 киши бўлиб ўтказди.

Шунга қарамай, Тимур Кападзе шогирдлари рақиб босимига дош бериб, ўз дарвозаси дахлсизлигини сақлаб қолди. "Насаф" сон жиҳатидан устунликка эга бўлган бўлса-да, ҳисобни тенглаштира олмади.

Натижада "Навбаҳор" Ғолиб Ғайбуллаевнинг автоголи эвазига "Насаф" устидан 1:0 ҳисобида муҳим ғалабага эришди.

Учрашувни Ильгиз Танташев бошчилигидаги ҳакамлар бригадаси бошқарди. VAR ҳаками вазифасини Аҳрол Рисқуллаев бажарди.