“Бунёдкор” – “Навбаҳор” учрашувидан кейинги матбуот анжуманиниг биринчи қисмида наманганликлар устози иштирок этди.

- Ёшларга эътибор қаратяпмиз. Агар маҳоратли ўйинчиларга ишонаверсак молиявий томондан кўп нарса йўқотамиз. Шунинг учун ҳам маҳаллий ёш футболчиларга имконият бериб, уларни тарбиялаяпмиз. Бугун ютқаздик, эртага яна қийналармиз, бироқ кейин ғалабали кунлар албатта келади. Бошқа вилоятдаги жамоаларда бир қатор наманганлик футболчилар тўп тепишмоқда. Масалан “Сўғдиёна” сафида бир неча наманганликлар бор. “Локомотив” сардори Дилшод Жабборов ҳам айнан бизнинг вилоятимиздан. Уларни янги мавсум олдидан сафимизга чақириб кўрамиз. Мухлислар ғалабани исташади. Биз ҳам шунга ҳаракат қиляпмиз. Бироқ кўп ҳолларда ҳимоядаги ҳатолар эвазига ютқазиб қўйяпмиз. Масалан, “Бухоро” билан уйдаги ўйинимизда худди шундай бўлди. Тўхтаб қолмаймиз, ишлашда давом этамиз, - дейди Мустафо Жеферович.