«Интер»нинг янги аъзоси Кёртис Жонс «Ливерпуль»дан Италия клубига кўчиб ўтгани ҳақида илк муносабатини билдирди. 25 ёшли ярим ҳимоячи фаолиятини Милан клубида давом эттириш қарори азалдан қатъий бўлганини тан олди.
«Мен «Интер»га ўтишни анчадан бери хоҳлардим, шу сабабли бу трансфердан жуда хурсандман. Фаолиятимнинг ушбу босқичида менга кейинги қадам керак эди ва ушбу клубни мен учун мукаммал вариант деб ҳисоблайман», — дейди Жонс «Интер» матбуот хизматига.
Англиялик футболчининг сўзларига кўра, трансферда ҳал қилувчи омиллардан бири ўтган мавсумда Чемпионлар Лигаси доирасида «Интер»га қарши ўтказилган ўйинда «Сан-Сиро»да ҳис қилган ажойиб атмосфераси бўлган.
