«Ковентри Сити» Премьер-лиганинг 1-турида «Арсенал»га 0:3 ҳисобида имкониятни бой берди. Амалдаги Англия чемпионлари Кай Хаверц ва Букайо Саканинг 15 ва 23-дақиқалардаги голлари эвазига тезкорлик билан 2:0 ҳисобида олдинга чиқиб олишди, иккинчи бўлим бошида эса Мартин Эдегор 49-дақиқада ҳисобни йирик кўринишга олиб келди.

«Бу жуда оғир ва жиддий синов бўлди, — дейди «Ковентри» бош мураббийи Фрэнк Лэмпард. — «Арсенал» — фантастик жамоа. Йигитларимиз учун «Арсенал» қай даражада ўйнашини кўриш яхши сабоқ бўлди. Улар ҳақиқий чемпионлардек тўп суришмоқда. Мураккаб кечди, аммо олинган бу тажриба келажакда бизга фойда келтиради.

Биз ҳали ўз салоҳиятимизни кўрсатамиз. «Арсенал» ўз майдонида ҳали кўп жамоаларни мағлуб этади. Бугунги ўйинда ҳам ижобий жиҳатлар бўлди, йигитлар бундан кўпроғига лойиқ эдилар», — дея таъкидлади «осмон-мовийлар» устози Sky Sports нашрига берган интервьюсида.

Эслатиб ўтамиз, ўтган мавсумда «Ковентри» Чемпионшипда ғолиб чиқиб, орадан 25 йил ўтиб илк бор Премьер-лигага қайтган эди.