«Тоттенхэм» бош мураббийи Роберто Де Дзерби ярим ҳимоячи Лукас Бергваллнинг жамоадан кетиши ҳақидаги хабарларни рад этди.

Матбуотда 20 ёшли футболчининг жамоани тарк этиши мумкинлиги ҳақида кўп гап-сўзлар тарқалган. Швециялик футболчига «Ньюкасл» ва «Ноттингем Форест» клублари қизиқиш билдирган.

"Унинг қолишига 100 фоиз ишончим комил. Мавсумолди йиғинлари давомида у билан кўп гаплашдик. Лукас — ажойиб футболчи, унинг салоҳияти жуда юқори. Унинг жамоани тарк этмаслигидан хурсандман.

Ўйлашимча, ҳозир унинг ўзи ҳам ҳеч қаерга кетишни истамаётган бўлса керак. Бизда ҳеч қандай муаммо йўқ", — дея Де Дзербининг сўзларини келтиради The Spurs Web.