Мадриднинг «Атлетико» клуби ва Хулиан Альварес ўртасидаги келишмовчиликлар тобора авж олмоқда.
26 ёшли ҳужумчининг агенти Фернандо Идальго «матрасчилар» бош директори Мигель Анхель Хиль Маринни ёлғон гапиришда айблаган. Идальгонинг ижтимоий тармоқдаги пости айнан клуб раҳбарига қаратилгани тахмин қилинмоқда.
ESPN Argentina маълумотига кўра, Альвареснинг ўзи ҳам агентнинг бу ҳаракатини тўлиқ қўллаб-қувватлаган, чунки у ҳам Хиль Мариннинг позициясига нисбатан шундай фикрда. Аргентиналик футболчи клуб раҳбаридан қаттиқ норози.
Келишмовчиликнинг асосий сабаби — «Атлетико»нинг ҳужумчини «Барселона»га сотишни истамаётгани. Альвареснинг ўзи эса айнан каталонияликлар клубига ўтишни хоҳламоқда. Клуб раҳбарияти ҳозирча футболчини жамоада сақлаб қолиш ниятида қатъий турибди.
