«Барселона» деярли «Атлетико» ҳужумчиси Хулиан Альваресни ўз сафига қўшиб олиш имкониятидан маҳрум бўлди.
«Матрасчилар» аргентиналик футболчини «кўк-анорранглилар»га сотиш ниятида эмас. Мадрид клубининг позицияси яқин келажакда ҳам ўзгармаслиги кутилмоқда. Машҳур журналист Жерар Ромеро маълумотига кўра, трансфер амалга ошиш эҳтимоли жуда паст. «Атлетико» раҳбарияти Альваресни ҳатто юқори миқдордаги таклифлар бўлса ҳам сотишга тайёр эмас.
«Агар мендан сўрасангиз, Альвареснинг жамоани тарк этиш эҳтимоли жуда паст. Унинг «Барселона»га ўтиш эҳтимоли деярли имконсиз», — дея Ромеронинг сўзларини келтиради Barca Universal.
