«Челси» ҳужумчиси Жоао Педро клуб билан шартномасини узайтирганидан сўнг ўз фикрларини билдирди.
22 август, шанба куни «кўклар» матбуот хизмати бразилиялик футболчи билан ҳамкорлик 2034 йилга қадар узайтирилганини расман эълон қилди.
«Челси» билан янги шартнома имзолаганимдан жуда хурсандман. Мен доимо катта клубда ўйнашни орзу қилганман ва келажагимни айнан шу клуб билан боғлаш мен учун жуда муҳим. Бу ерда барча билан муносабатларим жуда яхши. Илк кунданоқ ўзимни уйимдагидек ҳис қиляпман», — дея Жоао Педронинг сўзларини келтиради клуб матбуот хизмати.
Жоао Педро «Челси» сафига 2025 йил ёзида қўшилган. Ўшандан буён бразилиялик ҳужумчи жамоа таркибида 53 та ўйинда майдонга тушиб, 23 та гол урди ва 9 та голли узатмани амалга оширди.
