«Chelsi» hujumchisi Joao Pedro klub bilan shartnomasini uzaytirganidan so‘ng o‘z fikrlarini bildirdi.

22 avgust, shanba kuni «ko‘klar» matbuot xizmati braziliyalik futbolchi bilan hamkorlik 2034 yilga qadar uzaytirilganini rasman e’lon qildi.

«Chelsi» bilan yangi shartnoma imzolaganimdan juda xursandman. Men doimo katta klubda o‘ynashni orzu qilganman va kelajagimni aynan shu klub bilan bog‘lash men uchun juda muhim. Bu yerda barcha bilan munosabatlarim juda yaxshi. Ilk kundanoq o‘zimni uyimdagidek his qilyapman», — deya Joao Pedroning so‘zlarini keltiradi klub matbuot xizmati.

Joao Pedro «Chelsi» safiga 2025 yil yozida qo‘shilgan. O‘shandan buyon braziliyalik hujumchi jamoa tarkibida 53 ta o‘yinda maydonga tushib, 23 ta gol urdi va 9 ta golli uzatmani amalga oshirdi.