«Атлетико» «Челси» ҳужумчиси Николас Жексон учун курашдан чиқди. Diario AS журналисти Эдуардо Бургос маълумотига кўра, энди сенегаллик футболчини қўлга киритиш учун асосий даъвогар «Астон Вилла» бўлиб турибди.
«Челси» 25 ёшли ҳужумчини тўлиқ трансфер асосида сотишни устувор вазифа сифатида белгилаган ва унинг нархини 80 миллион евро деб баҳоламоқда. «Астон Вилла» бош мураббийи Унаи Эмери эса Жексон билан яна бирга ишлашни хоҳламоқда.
Дастлаб «Атлетико» Жексонни пуллик ижара ва кейинчалик сотиб олиш ҳуқуқи асосида ўз сафига қўшиб олиш имкониятини ўрганган. Бироқ «Челси» бу таклифни рад этди. Лондонликлар халқаро ижара учун қолган квоталарини сақлаб қолиш ва ҳужумчини тўлиқ сотиш ниятида.
Шундан сўнг «Атлетико» музокараларни давом эттирмасликка қарор қилди. Бу эса «Астон Вилла» учун Жексон трансферини амалга ошириш имкониятини оширди.
Хабарларга кўра, Бирмингем клуби аввало Олли Уоткинснинг Саудия Арабистонининг «Ал-Ҳилол» клубига трансфери якунланишини кутмоқда. Шундан кейин «Астон Вилла» Жексон учун ҳаракатларини фаоллаштириши мумкин.
Уоткинс «Ал-Ҳилол» билан шахсий шартлар бўйича келишиб олгани ва трансфер қиймати 50 миллион евродан ошиши мумкинлиги айтилмоқда. Унинг сотилиши «Астон Вилла»га Жексонни харид қилиш учун ҳам маблағ, ҳам таркибда жой очиб беради.
Жексон трансферининг асосий ташаббускорларидан бири Унаи Эмери ҳисобланади. Испаниялик мутахассис «Вильярреал»да ишлаган пайтида айнан Жексонга катта футболда дебют қилиш имкониятини берган.
Айни пайтда сенегаллик ҳужумчи Хаби Алонсо бошқараётган «Челси»нинг келгуси режаларида асосий ўрин тутмаяпти. Шу сабаб лондонликлар унга 80 миллион евро тўлашга тайёр харидор топишга ҳаракат қилмоқда.
