«Манчестер Юнайтед» Англия Премьер-лигасининг 2026/27 йилги мавсумини сенсацион мағлубият билан бошлади. Майкл Кэррик жамоаси 1-турда сафарда «Халл Сити»га 0:2 ҳисобида имкониятни бой берди.

Мезбонлар 17-дақиқада ҳисобни очишди. Бурчак зарбасидан кейин юзага келган вазиятда Семи Ажайи «Манчестер Юнайтед» дарвозасини ишғол қилди.

38-дақиқада «Ҳалл Сити» устунлигини икки тўпга етказди. Нобель Менди Реган Слейтернинг узатмасидан сўнг гол уриб, ҳисобни 2:0 кўринишига келтирди.

«Манчестер Юнайтед» бош мураббийи Майкл Кэррик иккинчи бўлимда вазиятни ўзгартириш мақсадида Маркус Рэшфорд, Кобби Майну ва Беньямин Шешко каби футболчиларни майдонга туширди. Бироқ манкунианликлар мезбонлар ҳимоясини ёриб ўта олмади ва мавсумдаги илк ўйинини мағлубият билан якунлади.

Учрашув Халлдаги «МКМ» стадионида ўтди ва уни 24 470 нафар мухлис бевосита стадиондан кузатди.

Шу тариқа, ўтган мавсум Премьер-лигада учинчи ўринни эгаллаган «Манчестер Юнайтед» янги чемпионатни мағлубият билан бошлади.