"Халл Сити" Англия Премьер-лигасига қайтишини тарихий ғалаба билан бошлади. "Йўлбарслар" 1-турда ўз майдонида "Манчестер Юнайтед"ни 2:0 ҳисобида мағлуб этди. Семи Аджайи ва Нобель Менди киритган голлар мезбонларга уч очко келтирди.
Бу "Халл Сити"нинг "Манчестер Юнайтед" устидан чемпионат доирасидаги 52 йилдан буён илк ғалабаси бўлди. Жамоа манкунианликларни лигада сўнгги марта 1974 йилда мағлуб этган эди. Қизиғи, ўша учрашув ҳам 2:0 ҳисобида якунланган. Ўша пайтда икки клуб Англиянинг иккинчи дивизионида иштирок этган.
Шу тариқа, "Халл Сити" Премьер-лигада "Манчестер Юнайтед"ни ўз тарихида илк бор мағлуб этди. Жамоа элитага қайтганидан кейинги биринчи ўйиндаёқ тарихий натижа қайд этди.
"Манчестер Юнайтед" эса Англия чемпиони бўлганига 13 йил бўлди. Манкунианликлар сўнгги марта 2012/13 йилги мавсумда Алекс Фергюсон қўл остида Премьер-лига ғолиблигини қўлга киритган.
