Саудия Арабистони Про-лигасининг 2-туридан ўрин олган «Ал-Аҳли» — «Абҳа» учрашуви якунланди. Жидда шаҳридаги «Кинг Абдулла Спортс Сити» стадионида кечган баҳсда мезбонлар 4:0 ҳисобида йирик ғалаба қозонди.

5-дақиқада англиялик ҳужумчи Айвен Тоуни ҳисобни очди. Унга «Краснодар»нинг собиқ футболчиси Эдуард Сперцян голли узатма берди. 13-дақиқада Тоуни пенальтидан унумли фойдаланиб, ўзининг иккинчи голини урди.

51-дақиқада португалиялик Франсишку Тринкау жамоасининг учинчи голига муаллифлик қилди. 57-дақиқада Тоуни яна бир бор дарвозани ишғол этиб, хет-трикни расмийлаштирди.

«Ал-Аҳли» аввалги турда «Ал-Диръия»ни мағлуб этганди. Ўша учрашувдаги ягона голни Сперцян киритган.

Икки турдан кейин «Ал-Аҳли» ҳисобида олти очко мавжуд. «Ан-Наср», «Ал-Ҳилол», «Ал-Иттифоқ» ва «Неом» жамоалари ҳам шунча очко тўплаган.