«Бавария» бош мураббийи Венсан Компани Германия Суперкубоги доирасида Дортмунднинг «Боруссия» клуби устидан қозонилган 2:1 ҳисобидаги ғалабадан сўнг фикрларини билдирди.

Мюнхенликлар Натаниэль Браун ва Майкл Олисениг 28 ҳамда 45-дақиқаларда урган голлари эвазига ғалаба қозонди. Дортмундликларнинг ягона жавоб голини 75-дақиқада Фабиу Силва киритди.

«Ғалабадан жуда мамнунман. Олисе ва Кейн таътилдан қайтгач, бор-йўғи уч марта машғулот ўтказишга улгурганди. Шунга қарамай, улар майдонда 90 дақиқа ҳаракат қилди.

Биз футбол ўйнаган даврда таътилдан уч-тўрт килограмм ортиқча вазн билан қайтардик. Ҳозир эса футболчиларнинг шахсий мураббийлари бор. Шунинг учун улар мавсумга тайёргарликни ажойиб жисмоний ҳолатда бошлайди.

Нене, яъни Натаниэль Браун ҳамда Сайбари бу мавсум бизга катта фойда келтиради. Кейинроқ сафга қайтиши кутилаётган Ленни, яъни Леннарт Карл, Мусиала ва Гнабри ҳам бор.

Бугун жамоа катта куч ва шижоат билан ҳаракат қилди, ҳар бир тўп учун курашди. Айримлар ўтган мавсумдаги муваффақиятдан кейин натижаларимиз пасайишини кутаётган бўлиши мумкин. Аммо биз қўлга киритилган ютуқлар билан чекланиб қолмаймиз ва барча совринларни ютишга ҳаракат қиламиз», — дея Компани сўзларини Bayern & Germany нашри келтирди.

«Бавария» 28 август куни Бундеслиганинг янги мавсумини «Штутгарт»га қарши уй учрашуви билан бошлайди.