Мадриднинг «Реал» клуби дарвозабони Тибо Куртуа «Эспаньол»нинг Ла Лига учрашувидаги ҳакамликдан норозилигига муносабат билдирди.

Шанба куни бўлиб ўтган баҳс «қаймоқранглилар»нинг 2:1 ҳисобидаги ғалабаси билан якунланди. Меҳмонларга уч очко келтирган голни Карлос Эспи 90-дақиқада киритди.

Учрашувдан кейин «Эспаньол» матбуот хизмати ижтимоий тармоқда ҳакам мадридлик футболчиларга карточка кўрсатишни истамагани ҳақидаги шикоятини эълон қилди. Мазкур пост катта муҳокамаларга сабаб бўлди.

«Аввал ўзингизга қаранг, кейин бошқалар ҳақида гапиринг. Вазиятнинг фақат бир томонини кўриб туриб, унга баҳо бериш осон.

Калатрава Винисиусга зарба бергани ёки сариқ карточкаси бўла туриб, Каррерасга нисбатан қоида бузгани учун майдондан четлатилиши керак эди.

Жамоаларнинг фақат бизга қарши учрашувлардан кейин эмас, бошқа рақибларга қарши баҳслардан сўнг ҳам ҳакамликдан шикоят қилишини кўришни истардим», — дея Куртуанинг сўзларини журналист Фабрицио Романо келтирди.

«Эспаньол»нинг ягона голини айнан Алекс Калатрава 30-дақиқада киритганди.