«Наполи»нинг янги бош мураббийи Массимилиано Аллегри Италия чемпионатидаги дастлабки учрашувида «Женоа» устидан қозонилган ғалабадан хурсандлигини билдирди. Мутахассис ўтган йилдан буён неаполликлар сафида ҳаракат қилаётган Кевин Де Брёйне ҳақида ҳам илиқ фикрлар айтди.
«Де Брёйне? У — чемпион. Тўпга теккан пайтида бошқалардан мутлақо фарқли ва ўзига хос ҳаракат қиладиган футболчи.
Шунингдек, у яқиндагина жаҳон чемпионатидан қайтди ва жамоа билан бор-йўғи 15 кун машғулот ўтказди. Учрашувлар тақвими янада тиғизлашган пайтда Де Брюйне энг яхши жисмоний ҳолатда бўлиши жуда муҳим», — дея Аллегрининг сўзларини calcionapoli1926.it келтирди.
«Наполи» Италия чемпионатининг кейинги турида Сеск Фабрегас бошчилигидаги «Комо»га қарши майдонга тушади.
