Opta статистикларининг ҳисоб-китобига кўра, Миланнинг «Интер» клуби А Серия чемпионлиги учун асосий фаворит ҳисобланади. «Нерадзуррилар»нинг чемпион бўлиш эҳтимоли 34,9 фоизга баҳоланган.

Бу кўрсаткич Францияда «ПСЖ»га берилган имкониятдек юқори эмас. Шунга қарамай, «Интер»нинг натижаси энг яқин таъқибчисиникидан қарийб уч баравар кўп. Иккинчи ўринда чемпионлик эҳтимоли 13,1 фоизга баҳоланган «Рома» турибди.

Қизиғи, «Комо»нинг имконияти «Ювентус»никидан юқори баҳоланди — 12,6 фоизга қарши 12 фоиз.

«Наполи» ва «Милан»нинг чемпионлик эҳтимоли мос равишда 8,1 ҳамда 5,6 фоизни ташкил этди. «Россонерилар»нинг кўрсаткичи ҳатто 6,1 фоиз имконият берилган «Аталанта»никидан ҳам паст.

Opta ҳисоб-китобига кўра, чемпионатдаги 17 та жамоада математик жиҳатдан чемпион бўлиш имконияти мавжуд. Фақат «Лечче», «Фрозиноне» ва «Монца»нинг эҳтимоли нолга тенг деб баҳоланган.