Opta statistiklarining hisob-kitobiga ko‘ra, Milanning «Inter» klubi A Seriya chempionligi uchun asosiy favorit hisoblanadi. «Neradzurrilar»ning chempion bo‘lish ehtimoli 34,9 foizga baholangan.

Bu ko‘rsatkich Fransiyada «PSJ»ga berilgan imkoniyatdek yuqori emas. Shunga qaramay, «Inter»ning natijasi eng yaqin ta’qibchisinikidan qariyb uch baravar ko‘p. Ikkinchi o‘rinda chempionlik ehtimoli 13,1 foizga baholangan «Roma» turibdi.

Qizig‘i, «Komo»ning imkoniyati «Yuventus»nikidan yuqori baholandi — 12,6 foizga qarshi 12 foiz.

«Napoli» va «Milan»ning chempionlik ehtimoli mos ravishda 8,1 hamda 5,6 foizni tashkil etdi. «Rossonerilar»ning ko‘rsatkichi hatto 6,1 foiz imkoniyat berilgan «Atalanta»nikidan ham past.

Opta hisob-kitobiga ko‘ra, chempionatdagi 17 ta jamoada matematik jihatdan chempion bo‘lish imkoniyati mavjud. Faqat «Lechche», «Frozinone» va «Monsa»ning ehtimoli nolga teng deb baholangan.