Мадриднинг "Реал" клуби бош мураббийи Жозе Моуринью Ла Лига доирасида "Эспаньол"га қарши ўтказилган учрашувдаги ҳакамликка баҳо берди.
"Қаймоқранглилар" Карлос Эспининг ўйин охирида урган голи эвазига 2:1 ҳисобида ғалабани илиб кетди. Мадридликларнинг яна бир голига Жуд Беллингем муаллифлик қилган бўлса, мезбонлар сафида Алекс Калатрава тўп киритди.
"Реал" устози фикрича, учрашув бош ҳаками Хосе Мария Санчес Мартинес ўз вазифасини юқори савияда бажарган.
"Менимча, ҳакам ўйинни жуда яхши бошқарди. Буни биз ғалаба қозонганимиз учун айтаётганим йўқ. У ажойиб ишлади", — деди Моуринью матбуот анжуманида.
"Реал" навбатдаги учрашувини 26 август, чоршанба куни ўз майдонида "Реал Сосьедад"га қарши ўтказади.
