Каталониянинг «Барселона» клуби Испания чемпионатининг янги мавсумини ажойиб тарзда бошлади. Ҳанси Флик шогирдлари сафарда «Эльче» дарвозасига жавобсиз бешта тўп киритиб, 5:0 ҳисобида йирик ғалабага эришди.

Маълум бўлишича, бу «Барселона»нинг Ла Лигадаги мавсумнинг дастлабки учрашувида сўнгги 13 йил ичида қайд этган энг йирик ғалабаси бўлди.

Каталонияликлар бундан ҳам яхшироқ натижани 2013 йилда қайд этган. Ўшанда «Барселона» Испания чемпионатининг илк турида «Леванте»ни 7:0 ҳисобида тор-мор этганди. Бироқ ўша мавсум якунида чемпионлик «Барселона»га эмас, Мадриднинг «Атлетико» клубига насиб қилган.

«Барселона» Испания чемпионатининг навбатдаги турида «Атлетик»ни қабул қилади. Учрашув 27 август, пайшанба куни бўлиб ўтади.